"ലോകാ സമസ്താ സുഖിനോഭവന്തു"

Monday, December 10, 2012

പ്രണയത്തിന്റെ ഭാഷ

ഹൃദയത്തിന്റെ സിരാതന്തുക്കളില്‍ നിന്നും 
വേട്ടയാടിപ്പിടിച്ച സ്വപ്നങ്ങളെ
മാത്രമേ നീ കണ്ടിരുന്നുള്ളൂ.
മിഥ്യയാം മനസ്സിന്റെ മൂടുപടമിട്ട
പ്രണയത്തിന്റെ ദിവ്യതയെക്കുറിച്ചേ 
നീ സംസാരിച്ചിട്ടുള്ളൂ.
പ്രണയത്തെ കാട്ടിലുപേക്ഷിച്ച
ശ്രീരാമനോടൊപ്പമായിരുന്നു നീ എന്നും.
ഹൃദയംകൊണ്ടും, മനസ്സുകൊണ്ടും
നീ എന്നെ ഉഴിയാന്‍ ശ്രമിച്ചപ്പോള്‍
ഒഴിഞ്ഞുമാറിയത് വെറുതെയല്ല.
ശരീരം കൊണ്ട് നിന്നെ അളക്കാന്‍
ശ്രമിച്ചപ്പോള്‍കിട്ടിയ കണക്കിലെ
പിഴവുകളില്‍ മനംനൊന്താണ്.
പ്രണയത്തെ എനിക്ക് തൊട്ടറിയാനേ അറിയൂ
ദൂരെമാറിനിന്ന്  നീ പ്രണയത്തെപ്പറ്റി പറഞ്ഞാല്‍ 
ഞാന്‍ എങ്ങനെ കേള്‍ക്കാനാണ്‌.

26 comments:

  1. ശ്രീരാമന്‍ പ്രണയത്തെ കാട്ടില്‍ ഉപേക്ഷിച്ചു എന്നത് അത്ര മനസിലായില്ല ഗോപാ ....

    "
    ദൂരെമാറിനിന്ന് നീ പ്രണയത്തെപ്പറ്റി പറഞ്ഞാല്‍
    ഞാന്‍ എങ്ങനെ കേള്‍ക്കാനാണ്‌."

    അത് കൊള്ളാം

    ReplyDelete
    Replies
    1. വാത്മീകി ആശ്രമത്തിനു ചുറ്റും പൊഴിഞ്ഞ കണ്ണീരിനെ ഓര്‍ത്തുനോക്കു

      അഭിപ്രായത്തിന് നന്ദി

      Delete
  2. ദൂരെമാറിനിന്ന് നീ പ്രണയത്തെപ്പറ്റി പറഞ്ഞാല്‍
    ഞാന്‍ എങ്ങനെ കേള്‍ക്കാനാണ്‌.

    അതെനിക്കും ഇഷ്ടായി ഗോപാ....
    അത് ശരിയാനുഒരു നൂറു വട്ടം ഞാന്‍ അവനോട പറഞ്ഞിട്ടുണ്ട് അടുത്ത് വന്നിരുന്നു പറയാന്‍ എവടെ............കേള്‍ക്കണ്ടേ..............
    പറഞ്ഞാല്‍ അനുസരണ പണ്ടേയില്ല

    uma

    ReplyDelete
    Replies
    1. ഉമ്മുവേ ...ഹ്മ്മ്മം .... ഞാനും ദൂരെ മാറി നിന്ന് പറയനോണ്ടാണോ അവന്‍ കേള്‍ക്കാതെ ?? അടുത്ത് പോയങ്ങു പറഞ്ഞാലോ ;P

      Delete
    2. പരസ്പരം കേള്‍ക്കാത്ത പ്രണയസല്ലാപം വെറും ശബ്ദം മാത്രം
      നന്ദി ഉമ

      Delete
  3. ശരീരമാത്ര ബന്ധങ്ങളില്‍ സംഭവിച്ചു പോകുന്ന നഷ്ടങ്ങള്‍...... എന്ന് ചുരുക്കാമെന്നു
    തോന്നുന്നു.ആശംസകള്‍ !

    ReplyDelete
    Replies
    1. അതെ
      അഭിപ്രായത്തിന് നന്ദി

      Delete
  4. പ്രണയത്തെ മനസ്സുകൊണ്ട് തൊടാന്‍ പറ്റും എന്നറിയില്ലേ നിനക്ക്??
    മഴയായും മഞ്ഞായും ഞാന്‍ നിന്നെ പുണരുന്നത് അറിയാന്‍ കഴിയുന്നില്ലെന്നോ??
    കഷ്ടം !!!!


    ഒള്ളു എന്നതിന് പകരം ഉള്ളു എന്നാക്കാംആയിരുന്നില്ലേ ഗോപ...

    ReplyDelete
    Replies
    1. അറിയാത്തത് കൊണ്ടല്ലേ ഉറക്കമില്ലാതെ ഇങ്ങനെ കുത്തിയിരിക്കണത്

      കീയൂന്റെ അഭിപ്രായം മാനിച്ച് തിരുത്തിയിട്ടുണ്ട്
      നന്ദി

      Delete
  5. നല്ല വരികള്‍
    ഇഷ്ടപ്പെട്ടു
    ആശംസകള്‍

    ReplyDelete
    Replies
    1. അഭിപ്രായത്തിന് നന്ദി സര്‍

      Delete
  6. പ്രണയത്തെ എനിക്ക് തൊട്ടറിയാനേ അറിയൂ
    അതു കൊള്ളാം. അഭിനന്ദനങ്ങൾ

    ReplyDelete
    Replies
    1. അഭിപ്രായത്തിന് നന്ദി സര്‍

      Delete
  7. ഇഷ്ടപ്പെട്ടു

    ReplyDelete
    Replies
    1. അഭിപ്രായത്തിന് നന്ദി

      Delete
  8. സുന്ദരമായ വരികള്‍ ഗോപി ചേട്ടാ ..സ്നേഹാശംസകള്‍ @ ഇനി ഞാന്‍ മരിക്കില്ല

    ReplyDelete
    Replies
    1. അഭിപ്രായത്തിന് നന്ദി പുണ്യവാളാ

      Delete
  9. പ്രണയത്തെ തൊടാതെ അറിയണം..
    മനസ്സ് കൊണ്ട് തൊടാം...
    ദൂരെ നിന്നും പറയുന്നതും കേള്‍ക്കണം...
    അടുത്തുനിന്നു പറയാന്‍ പ്രണയത്തിനു കഴിയില്ല..
    അടുത്തു നില്‍ക്കുമ്പോള്‍ മൌനം പറയും..

    ReplyDelete
  10. പറയാന്‍ മറന്നു നല്ല കവിത.. ഇഷ്ടായി..ട്ടോ..

    ReplyDelete
    Replies
    1. എങ്ങനെ ആയാലും തൊട്ടുതന്നെ അറിയണം
      അഭിപ്രായത്തിന് നന്ദി നിത്യ

      Delete
  11. പ്രണയത്തിന്റെ ഭാഷ കൊള്ളാട്ടോ. ആശംസകള്‍

    ReplyDelete
    Replies
    1. അഭിപ്രായത്തിന് നന്ദി അശ്വതി

      Delete
  12. Replies
    1. അഭിപ്രായത്തിന് നന്ദി വിനോദ്

      Delete
  13. ഹൃദയംകൊണ്ടും, മനസ്സുകൊണ്ടും
    നീ എന്നെ ഉഴിയാന്‍ ശ്രമിച്ചപ്പോള്‍
    ഒഴിഞ്ഞുമാറിയത് വെറുതെയല്ല.
    ശരീരം കൊണ്ട് നിന്നെ അളക്കാന്‍
    ശ്രമിച്ചപ്പോള്‍കിട്ടിയ കണക്കിലെ
    പിഴവുകളില്‍ മനംനൊന്താണ്...

    വരികള്‍ ഇഷ്ടായി ഗൊപാ.....

    ReplyDelete
    Replies
    1. അഭിപ്രായത്തിന് നന്ദി ആശ

      Delete

Thank you