"ലോകാ സമസ്താ സുഖിനോഭവന്തു"

Monday, October 22, 2012

എന്‍ഡോസള്‍ഫാന്‍

വിഷം തേച്ച മുലകളുമായി പൂതന ഉറഞ്ഞാടുന്നു.
കാരിനാഗഫണം പോലെ  അവളുറഞ്ഞാടുന്നു
നിലംതൊടും മുടിയഴിച്ചവള്‍ നിറഞ്ഞാടുന്നു
വൃന്ദാവനത്തിന്‍ വീഥിയാകെ നിറഞ്ഞാടുന്നു
കനലെരിയും കണ്ണുമായവള്‍ ഇരതേടുന്നു
ഇലയിലും പൂവിലും വിഷംചീറ്റി തിമിര്‍ത്താടുന്നു
കംസനീതിക്കായവള്‍ നോമ്പ് നോല്‍ക്കുന്നു
പിഞ്ചുനാവില്‍ വിഷപ്പാല്‍ ചവര്‍പ്പ്  കിനിയുന്നു
രൌദ്രമാം മിഴിയുമായവള്‍ ഉറഞ്ഞാടുന്നു.
കിരാത നൃത്തച്ചുവടുകള്‍ തിമിര്‍ത്താടുന്നു.
അവള്‍തന്‍ വിയര്‍പ്പു കിനിയുന്ന  മണ്ണില്‍
മനുഷ്യഭ്രൂണങ്ങള്‍ ഉരഗങ്ങളായി പിറക്കുന്നു.
ജനിയിലെക്കോഴുകുന്ന ബീജങ്ങളും വികൃതമാകുന്നു.
ഭിക്ഷതേടുവാന്‍ വിരലുകളില്ലാതെ ജന്മങ്ങള്‍
നിഴലുകളായി തെരുവിലാകെ നിറയുന്നു
നീതിക്കുവേണ്ടിയവര്‍ ചുടലപ്പറമ്പില്‍ കാത്തുനില്‍ക്കുന്നു
അവരെവെറും വിഴുപ്പുകളാക്കുന്നു വികടസിംഹാസനങ്ങള്‍.
വിരുതിനാല്‍ തട്ടിപ്പറിക്കുന്നു ഭിക്ഷാപാത്രങ്ങള്‍.
ഇടറുന്നകാലുകള്‍ ഉറപ്പിനായ് ഇടംതേടവേ
എരിയുന്ന കരളുകള്‍ കണ്ണുനീര്‍ച്ചാലുകള്‍ തീര്‍ക്കവെ
മുന്നില്‍നിറയും ദുരിതക്കടല്‍ കണ്ടുപകച്ചുനിക്കവേ
കണ്ണിലഗ്നിയുമായവള്‍ ചുടലനൃത്തം  തുടരുന്നു
നീര്‍നാടി മരവിച്ച മണ്ണില്‍ ചുടലനൃത്തം  തുടരുന്നു
ആരുണ്ടിവളെ തടുക്കുവാന്‍ ,ഗോകുലം കാക്കുവാന്‍.
എങ്ങാനും കേള്‍ക്കുന്നുവോ ഒരു പുല്ലാങ്കുഴല്‍നാദം
ദൂരെയെങ്ങാനും കണ്ടുവോ ഒരു പീതവര്‍ണ്ണം.
വരിക കണ്ണാ നീയീ ഗോകുലം കാക്കുവാന്‍
വീണ്ടും വരിക നീയീഗോക്കളെ മേയ്ക്കുവാന്‍

31 comments:

  1. നന്നായിട്ടുണ്ട് പ്രതികരണം...

    ReplyDelete
    Replies
    1. വായനക്ക് നന്ദി നിത്യ

      Delete
  2. "വിരുതിനാല്‍ തട്ടിപ്പറിക്കുന്നു ഭിക്ഷാപാത്രങ്ങള്‍"
    ഈ ഭിക്ഷാപാത്രത്തിലും കൈ ഇട്ടു വരാന്‍ നടക്കുന്നുണ്ടല്ലൊ കണ്ണാ!!!
    നന്നായിരിക്കുന്നു.. ആശംസകള്‍

    ReplyDelete
    Replies
    1. വളരെ നന്ദി രാജീവ്‌

      Delete
  3. രൌദ്രമാം മിഴിയുമായവള്‍ ഉറഞ്ഞാടുന്നു.
    കിരാത നൃത്തച്ചുവടുകള്‍ തിമിര്‍ത്താടുന്നു.
    അവള്‍തന്‍ വിയര്‍പ്പു കിനിയുന്ന മണ്ണില്‍
    മനുഷ്യഭ്രൂണങ്ങള്‍ ഉരഗങ്ങളായി പിറക്കുന്നു.

    ReplyDelete
    Replies
    1. ഈ വരവിനും വായനക്കും നന്ദി

      Delete
  4. കാലോചിതം... മനോഹരം.. ശക്തം... വളരെ നന്നായി ഈ പോസ്റ്റ്‌.. മനുഷ്യന്‍ അവണ്റ്റെ അമ്മമാരുടെ മുലപ്പാലില്‍ വരെ വിഷം കലര്‍ത്താന്‍ തുടങ്ങിയിരിക്കുന്നു..

    ReplyDelete
    Replies
    1. അഭിപ്രായത്തിനു വളരെ നന്ദി അബൂതി

      Delete
  5. പ്രതികരിക്കാന്‍ നമുക്കുള്ള ആയുധം അക്ഷരങ്ങള്‍ ആണ്........ ഞാനും കൈ കോര്‍ക്കുന്നു....


    എനിക്കുമുണ്ടൊരു ബ്ലോഗ്‌...... വരുമെന്നും ചങ്ങാതിയാകുമെന്നും പ്രതീക്ഷിക്കുന്നു....

    ReplyDelete
    Replies
    1. വിനീത് വാവേ, ഞാന്‍ നോക്കിയിട്ട് ബ്ലോഗ് കാണുന്നില്ലല്ലോ. ആകെ കാണുന്നത് ഗൂഗിള്‍ പ്ലസ് ആണ്. അതാണെങ്കില്‍ എനിക്കിഷ്ടവുമില്ല. ബ്ലോഗിന്റെ ലിങ്ക് തരൂ. kumar.ajith67@gmail.com

      Delete
    2. അഭിപ്രായത്തിനു നന്ദി വിനീത്
      ബ്ലോഗ്‌ ഞാന്‍ വായിച്ചിരുന്നു

      Delete
  6. അവള്‍തന്‍ വിയര്‍പ്പു കിനിയുന്ന മണ്ണില്‍
    മനുഷ്യഭ്രൂണങ്ങള്‍ ഉരഗങ്ങളായി പിറക്കുന്നു.
    ജനിയിലെക്കോഴുകുന്ന ബീജങ്ങളും വികൃതമാകുന്നു.
    ഭിക്ഷതേടുവാന്‍ വിരലുകളില്ലാതെ ജന്മങ്ങള്‍
    നിഴലുകളായി തെരുവിലാകെ നിറയുന്നു...

    ഗോപാ...എന്‍ഡോസള്‍ഫാന്റെ അത്യന്തം ഭീതിദമായ മുഖം എനിയ്ക്കിവിടെ കാണാന്‍ കഴിഞ്ഞു... ഒപ്പം പരിതാപകരവും...നാട്ടില്‍ ഒരു സമൂല പരിവര്‍ത്തനത്തിന് തന്നെ ഇങ്ങനെയുള്ള സൃഷ്ടികള്‍ വഴിയൊരുക്കട്ടെ എന്ന് നമുക്ക് പ്രാര്‍ഥിക്കാം...വൈവിധ്യമേറിയ വിഷയങ്ങള്‍ കടന്നു വരുന്നതില്‍ സന്തോഷം സുഹൃത്തെ...ആശംസകള്‍...

    ReplyDelete
    Replies
    1. നന്ദി ആശ ,പരിവര്‍ത്തനം ഉണ്ടാകും എന്ന് കരുതിയിട്ടൊന്നുമല്ല നമുക്ക് പറയാനുള്ളത് പറയുന്നു

      Delete
  7. എന്‍ഡോസള്‍ഫാന്‍ വക്താക്കളാണ് അധികാരവര്‍ഗം
    അതുകൊണ്ട് ഏതുതരത്തിലുള്ള പ്രതിഷേധവും അധികാരഹുങ്കിനു മുമ്പില്‍ ഞെരുങ്ങുകയേയുള്ളു.

    കവിതയും വാക്കുകളും ശക്തം.
    ആശംസകള്‍

    ReplyDelete
    Replies
    1. അജിത്‌ ചേട്ടന്‍ പറഞ്ഞത് ശരിതന്നെ
      നന്ദി വരവിനും വായനക്കും

      Delete
  8. ആരും കേട്ടില്ലെങ്കിലുംനമുക്ക് സത്യമപ്രിയം പറഞ്ഞുകൊണ്ടേയിരിക്കാം,വരും തലമുറകൾ ശപിയ്ക്കാതിരിക്കട്ടെ....

    ReplyDelete
    Replies
    1. അതാണ്‌ സത്യം നമുക്ക് പറഞ്ഞുകൊന്ന്ടെയിരിക്കാം
      നന്ദി വായനക്ക്

      Delete
  9. നന്നായി ഈ വിഷയം തിരഞ്ഞെടുത്തതിനു, കവിതയും നന്നായി.

    ReplyDelete
    Replies
    1. നന്ദി ഷീലാജി ഈ അഭിപ്രായത്തിനു

      Delete
  10. വളരെ മനോഹരം ..... നല്ല എഴുത്ത്

    ReplyDelete
    Replies
    1. അഭിപ്രായത്തിനു നന്ദി നിദീഷ്

      Delete
  11. aarum kettillenkilum aarum vannillenkilum namukku paranju konde irikkaam gopa..

    nalla vishyam..aashamsakal

    (kshamikkanam my malyalam panimutakki athanu manglishil ezhuthiyathu)

    ReplyDelete
    Replies
    1. ആദ്യമായുള്ള ഈ വരവിനും അഭിപ്രായത്തിനും വളരെ നന്ദി

      Delete
  12. എവിടെയും അന്യായം മാത്രം!!!! ഭഗവാന്‍ അവതരിക്കുക തന്നെ വേണം....

    ReplyDelete
    Replies
    1. നമുക്ക് പ്രതീക്ഷിക്കാം അശ്വതി
      നന്ദി അഭിപ്രായത്തിനു

      Delete
  13. പ്രിയ ഗോപകുമാര്‍ വളരെ നന്നായി. ആശംസകള്‍

    ReplyDelete
  14. Replies
    1. അഭിപ്രായത്തിനു നന്ദി അനിയ

      Delete
  15. പൂതനയായതുകൊണ്ട്‌ കണ്ണന്‍ സ്വാഭാവികമായ ഒരു ബിംബം. പക്ഷേ അത്‌ വിഷയത്തിണ്റ്റെ രാഷ്ട്രീയം ചോര്‍ത്തിക്കളയുന്നില്ലേ എന്നെണ്റ്റെ സംശയം. ഒരു കണ്ണന്‍ വേണം ഈ പൂതനയെ സംഹരിക്കാന്‍ എന്നത്‌ തെറ്റായി വായിക്കാന്‍ ഇടയാവും.

    ReplyDelete
    Replies
    1. പൂതനയും കണ്ണനും ബിംബങ്ങള്‍ തന്നെയാണ് വിനോദ്
      ഈ വിപത്തിനെ തടുക്കുന്ന എന്തും പൂതനയെ നശിപ്പിച്ച കണ്ണനെന്ന ബിംബത്തോട്‌ ചേര്‍ന്ന് നില്‍ക്കും

      അഭിപ്രായത്തിനു നന്ദ വിനോദ്

      Delete

Thank you