ഉടലുരസലുകള്‍

രണ്ടു നിശ്വാസങ്ങള്‍ക്ക് നടുവില്‍നിന്ന് 

ഒഴുകിപ്പരക്കുന്ന വിയര്‍പ്പുകണങ്ങളില്‍ 

നീ എന്നെയും ഞാന്‍ നിന്നെയും തിരയുന്ന

ശൂന്യമായ ഒരു വിഭലാന്വേഷണം

ഉടലുരസലുകള്‍ക്കു ശേഷം വിരിപ്പിന്റെ

രണ്ടറ്റത്തേക്ക്  അടര്‍ന്നുവീഴുന്ന ഇലകള്‍

അവയ്ക്കിടയില്‍ പെരുകുന്ന ശൂന്യ മൌനം 

പിന്നെ നിശാശലഭങ്ങള്‍ ഈ മൌനങ്ങളെ

ഹൃദയങ്ങള്‍ ഇണചേരാത്ത താഴ്വരയിലേക്ക്

കൊത്തി  പറക്കും അവിടെ പുതിയ പ്രഭാതം

ഹൃദയത്തില്‍ വേരുകളില്ലാത്ത ചിരിയുടെ പുറംതോലും 

വിരുതുള്ള വാക്കിന്റെ പൊയ്മുഖങ്ങളും

എടുത്തണിഞ്ഞ് നമ്മള്‍ വീണ്ടും ഇണകളാകും
ആത്മാവുരിഞ്ഞിട്ട രണ്ട് ഉടലുകളായി

ഒരിക്കല്‍ക്കൂടി ഉടലുരസലിനു തയാറാകാന്‍