"ലോകാ സമസ്താ സുഖിനോഭവന്തു"

Monday, June 17, 2013

ചില ജീവിതങ്ങള്‍ ഇങ്ങനെയാണ്













 ഒരു മഴയോ, കാറ്റോ  
അടര്‍ന്ന് വീണാല്‍
കവിതയുടെ വരികളില്‍
നിന്നെ വരച്ചുവച്ച്
ഞാന്‍ നെടുവീര്‍പ്പിടാറുണ്ട്.
ഓര്‍മ്മകളാം  മിന്നാമിന്നികള്‍
രാവിന്റെ കറുത്ത ആകാശത്ത്
പാറി പറക്കുമ്പോള്‍
നിന്റെ നക്ഷത്ര കണ്ണുകളിലേക്കു-
ഞാന്‍ ഇല്ലാതാകാറുണ്ട്.
രക്തം പെയ്യിച്ച്  സിരകളിലേക്ക്
ഊളിയിടുന്ന മോഹങ്ങളെ
കടുംകുരുക്കില്‍ കെട്ടി കാവലിരിക്കാറുണ്ട്.
മോഹഭംഗത്തിന്‍ വെള്ളിടിക്കുലുക്കത്തില്‍
നിശബ്ദശാഖിയായ് നിന്നിലേക്കടരുമ്പോള്‍
നീ പലപ്പോഴും പറഞ്ഞുകേട്ടിട്ടുണ്ട് ,
ചില ജീവിതങ്ങള്‍
ഇങ്ങനെയൊക്കെയാണെന്ന്.
ധ്രുവങ്ങളുടെ പ്രണയവും, വിരഹവും
കടലായിത്തീര്‍ന്ന കഥയും
നീ പറഞ്ഞു തന്നിട്ടുണ്ട്.
എങ്കിലും നീ പറയുംപോലെ
മരണമായ്‌ നിന്നെ മറക്കുവതെങ്ങനെ.?
നിന്നെ ഞാന്‍ എന്റെ സിരകളില്‍
പച്ചകുത്തിയിട്ടുപോയില്ലേ...!


18 comments:

  1. എങ്കിലും നീ പറയുംപോലെ
    മരണമായ്‌ നിന്നെ മറക്കുവതെങ്ങനെ.?
    നിന്നെ ഞാന്‍ എന്റെ സിരകളില്‍
    പച്ചകുത്തിയിട്ടുപോയില്ലേ...!

    ReplyDelete
  2. ലളിതം സുന്ദരം .
    നന്നായി ഗോപൻ

    ReplyDelete
  3. ചില ജീവിതങ്ങള്‍..............

    ReplyDelete
  4. എങ്കിലും നീ പറയുംപോലെ
    മരണമായ്‌ നിന്നെ മറക്കുവതെങ്ങനെ.?
    നിന്നെ ഞാന്‍ എന്റെ സിരകളില്‍
    പച്ചകുത്തിയിട്ടുപോയില്ലേ...!
    നല്ല വരികള്‍
    ആശംസകള്‍

    ReplyDelete
  5. ആത്മാവിനോട് ചേര്‍ന്ന്നില്‍ക്കട്ടെ, ആത്മബന്ധങ്ങള്‍ ഉണ്ടാവട്ടെ.....

    ReplyDelete
  6. നല്ല കവിത .ഇഷ്ട്ടായി.

    ReplyDelete
  7. നല്ല വരികള്‍.... ..

    ReplyDelete
  8. ഓര്‍മ്മകളാം മിന്നാമിന്നികള്‍
    രാവിന്റെ കറുത്ത ആകാശത്ത്
    പാറി പറക്കുമ്പോള്‍
    നിന്റെ നക്ഷത്ര കണ്ണുകളിലേക്കു-
    ഞാന്‍ ഇല്ലാതാകാറുണ്ട്.
    രക്തം പെയ്യിച്ച് സിരകളിലേക്ക്
    ഊളിയിടുന്ന മോഹങ്ങളെ
    കടുംകുരുക്കില്‍ കെട്ടി കാവലിരിക്കാറുണ്ട്.

    ReplyDelete
  9. ഇങ്ങനേയും ചില ജീവിതങ്ങള്‍....

    ReplyDelete
  10. ലളിതമായൊരു കവിത
    ആഴമുള്ളതും

    ReplyDelete
  11. പച്ചകുത്തിയിട്ട ചില നോവുകള്‍ ഒരിക്കലും മാഞ്ഞുപോവില്ല....
    നല്ല കവിത......

    ReplyDelete
  12. ആത്മാവിൽ അലിഞ്ഞതിനെ മായ്ക്കാൻ കഴിയില്ല .വിരഹവും പ്രണയവും തമ്മിൽ ഇഴചേർന്നിരിക്കുന്നു

    ReplyDelete
  13. കവിതക്കപ്പുറത്തു ഇതൊരു വായനയാണ് ....മനസ്സിന്റെ !


    കൊള്ളാം ..ഇഷ്ടമായി ഒരുപാട്
    അസ്രൂസാശംസകള്‍
    http://asrusworld.blogspot.com/

    ReplyDelete
  14. എങ്കിലും നീ പറയുംപോലെ
    മരണമായ്‌ നിന്നെ മറക്കുവതെങ്ങനെ.?
    നിന്നെ ഞാന്‍ എന്റെ സിരകളില്‍
    പച്ചകുത്തിയിട്ടുപോയില്ലേ...!

    ReplyDelete
  15. ഗംഭീരമായി, ആഴവും പരപ്പുമുള്ള വരികള്‍. അര്‍ത്ഥ സമ്പുഷ്ടം.
    ആശംസകള്‍.

    ReplyDelete

  16. ഒരിക്കൽക്കൂടി വായിക്കാൻ തോന്നിപ്പിക്കുന്ന കവിത. ആശംസകൾ

    ReplyDelete
  17. മരണമായ്‌ നിന്നെ മറക്കുവതെങ്ങനെ.?
    നിന്നെ ഞാന്‍ എന്റെ സിരകളില്‍
    പച്ചകുത്തിയിട്ടുപോയില്ലേ...!


    orupaadu nalla varikal.... njaan engane kaanathe poyi ithrayum naal??

    ReplyDelete

Thank you